Лондон турнири: Рибакина ва Путинцева жуфтлик баҳсларида чорак финалга чиқишди

ASTANA. Kazinform – Қозоғистонлик теннисчи Елена Рибакина – Юлия Путинцева Лондонда (Буюк Британия) WТА 500 турнирининг жуфтликлар баҳсида чорак финалга йўл олди.

Маълумки, Е.Рибакина асосан яккаликларда чиқиш қилади. Бу сафар у Лондон қироллик турнирида ҳамюрти билан жуфтлик баҳсларида кортга чиқишга қарор қилди.

Қозоғистонлик жуфтлик биринчи босқичда испаниялик Кристина Букша – бразилиялик Беатрис Хаддад-Майя билан тўқнаш келди.

Рибакина – Путинцева учрашувни муваффақиятли бошлади, 3:0 ҳисобида олдинда. Улар сет охиригача бу устунлигини қўлдан бой беришмади – 6:3.

Иккинчи сетда ҳисоб 4:2 бўлиб турганида, рақиб жуфтлик дубльга эришди – 7:5.

Супер тай-брейкда қозоғистонликлар ғалаба қозонишди – 10:6.

Бир соату 28 дақиқа давом этган ўйинда Елена – Юлия 6 эйс билан бирга 13 та брейк-пойнтнинг атиги иккитасидан фойдаланди. Букша – Хаддад-Майя 3 та эйс, 2 брейк (4 брейк-пойнт) билан ажралиб турди.

Юлия Путинцева – Елена Рибакина ярим финалга чиқиш учун турнирнинг 4-ракеткаси америкалик Аиша Муҳаммад – нидерландиялик Деми Схурс билан куч синашади.

Бундан ташқари, Е.Рибакина пайшанба куни яккалик баҳсларининг иккинчи даврасида британиялик Хитер Уотсон билан куч синашади.