«Ла Скала» театри кийиниш қоидаларини кучайтиради

ASTANА. Кazinform — Машҳур «Ла Скала» опера театри энди томошабинларга шортилар, футболкалар ва енгил шиппакларда киришга рухсат бермайди.

- Бу - қатъий дресс-код эмас. Галстук ёки кечки кўйлак кийиш мажбурий эмас, лекин театрга кириш ва кассадаги белгиларда кўрсатилган минимал талабларга риоя қилиш керак: футболкалар, шортилар ва енгил шиппаклар тақиқланади, — деб ёзади Италия нашрлари.

Шунингдек, футболкаларнинг тақиқланиши аёлларнинг енгсиз кўйлак ёки блузка кийишига тўсқинлик қилмаслиги, енгил шиппакларга қўйилган чеклов эса япониялик сайёҳларга анъанавий пойабзал кийишни тақиқламаслиги таъкидланди.

— Театр раҳбарияти томошабинлардан театр одоб-ахлоқ қоидаларига мос кийим танлашни сўрайди, бу театрга ва бошқа томошабинларга ҳурмат белгисидир. Майка ёки шорти кийган томошабинлар театрга киритилмайди, бундай ҳолларда чипталар қайтарилмайди, — дейилади «Ла Скала» театри расмий сайтида.

«Ла Скала» - дунёдаги энг машҳур опера театрларидан ва Миланнинг асосий сайёҳлик жойларидан бири. Театр зали икки мингга яқин томошабинга мўлжалланган.

Эслатиб ўтамиз, аввалроқ ҚР Президенти этник театрлар фестивалини ўтказишни таклиф қилгани ҳақида хабар берган эдик.