ҚР Президенти: Миннатдорчилик куни фуқароларнинг бир-бирига бўлган ҳурмати рамзидир
ASTANA. Kazinform – ҚР Президенти Қасим-Жомарт Тоқаев Қозоғистон халқини Миннатдорчилик куни билан табриклади. Бу ҳақда Ақорда матбуот хизмати хабар берди.
Ҳурматли ватандошлар!
Барчангизни Миннатдорчилик куни билан чин қалбимдан табриклайман!
Ушбу ёрқин байрам фуқароларимизнинг бир-бирига бўлган миннатдорлиги, хайрихоҳлиги, самимий ҳурмати рамзидир.
Халқимиз ўзининг муборак бирлиги, Ватанга чексиз меҳр-муҳаббати туфайли асрлар давомида энг оғир синов ва хавф-хатарларни енгиб ўта олди. Бу фундаментал қадриятлар миллий ўзлигимизнинг ажралмас қисмига айланди.
Бу йил Қозоғистон халқи Ассамблеяси ташкил этилганига 30 йил тўлди. Бу тузилма жамиятда ўзаро ҳамжиҳатлик ва тотувликни мустаҳкамлашга беқиёс ҳисса қўшди.
Энди олдимизда тизимли ва кенг кўламли ислоҳотларни амалга ошириш вазифаси турибди. Бу борада ҳар бир фуқаро юрт тақдири учун масъул эканини тўлиқ англаши муҳим аҳамиятга эга.
Биргаликда ишлай олсакгина, баркамол ва адолатли жамият барпо этишда муваффақиятга эришамиз.
Ўз юрти равнақи йўлида ҳалол, тинмай меҳнат қилаётган барча юртдошларимга ўз миннатдорчилигимни билдираман.
Сизга сиҳат-саломатлик ва фаровонлик тилайман! – дейилади табрик матнида.
Бунгача Давлат раҳбари Қозоғистон халқини Рамазон ойи бошланиши билан табриклаган эди.
