ҚР Президенти Куриқ портида Хитой билан қўшма юк терминали ташкил этишни таклиф қилди

ASTANА. Кazinform — Мустақиллик саройида бўлиб ўтаётган “Марказий Осиё — Хитой” саммитида Давлат раҳбари Қасим-Жомарт Тоқаев Қуриқ портида Хитой билан қўшма юк терминали ташкил этишни таклиф қилди.

— Транскаспий йўналишининг жозибадорлигини ошириш учун биз Каспий денгизи портларини модернизация ва рақамлаштириш, юк терминалларини қуриш, транспорт кемалари ишлаб чиқаришни йўлга қўйиш бўйича тизимли чора-тадбирларни амалга оширмоқдамиз. Каспий денгизидаги Қуриқ портида Хитой билан қўшма юк терминали ташкил этиш масаласини кўриб чиқишни таклиф қиламиз, — деди Давлат раҳбари.

Президентнинг сўзларига кўра, Хитой томони Қозоғистондаги транспорт терминалларининг ўтказиш қобилиятини ошириш, логистика инфратузилмасини янада кенгайтириш, замонавий юк ташишни ривожлантиришга қаратилган лойиҳаларни фаол қўллаб-қувватламоқда.

— Дўстлик-Мўйинти участкасида транспорт ҳаракатининг очилиши, Алматида Жетису йирик контейнер терминали ва Ақтау портида контейнерлар хабининг ташкил этилиши бу йўналишдаги асосий ютуқлар бўлди, — деди Қасим-Жомарт Тоқаев.

Эслатиб ўтамиз, Астанадаги Мустақиллик саройида “Марказий Осиё – Хитой” II саммити бўлиб ўтмоқда.