ҚР Президенти Хромтаудаги “Болашақ” кони иши билан танишди
AQTÖBE. Кazinform – Президент Қасим-Жомарт Тоқаевнинг Ақтўбе вилоятига сафари “Болашақ” конига ташриф билан бошланди. Бу ҳақда Ақорда матбуот хизмати хабар берди.
Коннинг қуввати йилига 7,5 миллион тонна хром рудаси ишлаб чиқаришга етади.
Давлат раҳбарига янги корхонада 1800 иш ўрни яратилиши ҳақида маълум қилинди. Жалб қилинган сармоя миқдори 1 триллион тенгедан ошади.
Eurasian Resources Group директорлар кенгаши раиси Шуҳрат Ибрагимов “Болашақ” кони ERG компаниялар гуруҳининг энг йирик сармоявий лойиҳаларидан бири эканлигини таъкидлади.
Компания «Миллионное» ва «Алмас-Жемчужина» конларини ўзлаштириш билан шуғулланади. Тоғ-кон саноатида автоматик равишда бурғулашнинг ақлли бурғулаш дастгоҳи, ерда масофадан бошқариш тизими, шунингдек, тўлиқ автоматлаштирилган юк кўтариш машиналари каби илғор технологиялар ва замонавий ускуналардан фойдаланилмоқда.
Корхона раҳбарининг сўзларига кўра, Дўнг тоғ-кон бойитиш комбинатига қарашли “Болашақ” конининг ишга туширилиши мамлакат тоғ-кон саноатида тарихий воқеа бўлади.
