ҚР Президенти Бош вазирга иқтисодиётни диверсификация қилиш бўйича кўрсатмалар берди
ASTANА. Kazinform - Қасим-Жомарт Тоқаев Бош вазир Олжас Бектеновни қабул қилди. Бу ҳақда Ақорда матбуот хизмати хабар берди.
Давлат раҳбарига мамлакатни ижтимоий-иқтисодий ривожлантириш, Ҳукумат фаолияти самарадорлигини ошириш борасида амалга оширилаётган ишлар ҳақида ахборот берилди.
— Президентга иқтисодиётни диверсификация қилишни қўллаб-қувватлаш орқали инфратузилмани рағбатлантириш ва модернизация қилиш бўйича илгари берган топшириқлари ҳамда реал секторда амалга оширилаётган кенг кўламли дастурлар ижроси таништирилди. Шунингдек, Бош вазир иситиш мавсуми, баҳорги экиш ва сув тошқинларига қарши тайёргарлик ҳақида ҳам гапирди, — дейилади хабарда.
Бундан ташқари, Қасим-Жомарт Тоқаевга Ҳукумат томонидан бизнесни ривожлантириш ва хусусий инвестицияларни жалб қилиш учун замонавий рақамли бошқарув усулларини жорий этиш бўйича амалга оширилаётган ишлар ҳақида ахборот берилди.
Учрашув якунида Президент Бош вазирга иқтисодиётнинг жадал ўсиши ва диверсификациясини таъминлаш борасидаги ишларни фаоллаштириш бўйича топшириқлар берди. Инфратузилмани такомиллаштириш, энергетика ва коммунал хўжаликни модернизация қилиш билан боғлиқ вазифаларни амалга ошириш мақсадида тизимли чора-тадбирлар кўриш муҳимлигини таъкидлади.
Эслатиб ўтамиз, аввалроқ Президент Қасим-Жомарт Тоқаев раислигида Қозоғистон Республикаси Хавфсизлик Кенгаши йиғилиши бўлиб ўтгани ҳақида ёзган эдик.
