ҚР Президенти Бирлашган Араб Амирликлари Энергетика ва инфратузилма вазирини қабул қилди
ASTANA. Kazinform – Астана халқаро форумида Қасим-Жомарт Тоқаев Бирлашган Араб Амирликлари Энергетика ва инфратузилма вазири Суҳаил Ал-Мазури билан учрашди. Бу ҳақда Ақорда матбуот хизмати хабар берди.
Давлат раҳбари Астана шаҳрида Абу-Даби валиаҳд шаҳзодаси Холид бин Муҳаммад бин Зоид Ол Наҳаён билан учрашувини мамнуният билан эслади. Унинг доирасида самарали музокаралар олиб борилиб, умумий қиймати 5 миллиард долларлик 20 дан ортиқ тижорат шартномалари имзоланди.
Суҳайл Ал-Мазури Астана халқаро форуми юқори савияда ташкил этилганини қайд этиб, Қозоғистон томонига меҳмондўстлиги учун миннатдорлик билдирди.
Қасим-Жомарт Тоқаев ва Суҳайл Ал-Мазури олий даражада эришилган келишувларни амалга оширишнинг аниқ йўллари, жумладан, ўзаро товар айирбошлашни 1 миллиард долларга етказиш ташаббусини муҳокама қилди. Вазирнинг сўзларига кўра, Амирликлар Абу-Даби валиаҳд шаҳзодасининг Қозоғистонга ташрифи чоғида имзоланган келишувларни фаол равишда амалга оширишга киришган.
Учрашувда энергетика, қишлоқ хўжалиги ва транспорт соҳаларида интеграциянинг долзарб масалалари муҳокама қилинди.
