ҚР Президенти Ақтау шаҳридаги улгуржи савдо-тарқатиш марказига ташриф буюрди

AQTAU. Kazinform – Қасим-Жомарт Тоқаев Манғистау вилоятига хизмат сафари доирасида Ақтау шаҳридаги улгуржи савдо-тарқатиш марказига ташриф буюрди. Бу ҳақда Ақорда маълум қилди.

“Давлатимиз раҳбарига вилоятда биринчи марта озиқ-овқат хавфсизлигини таъминлаш мақсадида бундай иншоот барпо этилаётгани ҳақида маълумот берилди. Бу марказ ҳудудни озиқ-овқат билан таъминлаш, истеъмолчилар ўртасидаги воситачиларни қисқартириш, маҳсулот нархини пасайтириш мақсадида ташкил этилган. 80 минг квадрат метр майдонни эгаллаган мажмуада 40 минг тонна маҳсулот сақлаш мумкин”, – дейилади хабарда.

Лойиҳани амалга ошириш учун 5 миллиард тенге сармоя киритилди. Йил охиригача марказнинг иккинчи босқичини ишга тушириш режалаштирилган.

Айни пайтда маҳсулот етказиб бериш билан шуғулланаётган йирик маҳаллий тадбиркорлар билан шартномалар тузиш ишлари қизғин давом этмоқда.