ҚР Маданият вазири Тошкентдаги Тўле би мақбарасини зиёрат қилди

TASHKENT. Kazinform - Ўзбекистонда Қозоғистон маданияти кунлари бўлиб ўтмоқда. Қозоғистон Республикаси Маданият ва спорт ишлари вазири Асхат Оралов Тошкент шаҳрида жойлашган буюк Тўле би мақбарасини зиёрат қилди, дея хабар беради Кazinform вазирлик раҳбарининг Теlegram-каналига таяниб.

Тўле би тарихимизда ўта муҳим шахс бўлиб, унинг ҳикматлари авлоддан-авлодга ўтиб келмоқда. Шунинг учун бу буюк шахснинг дафн этилган жойи биз учун алоҳида аҳамиятга эга.

«Тангрим қозоқларга элпарварликни ҳам, мардликни ҳам, донишмандликни ҳам берган», дейди Тўле би. Бу сўзлар бугунги кунда ҳам долзарбдир. Ана шу фазилатларга таяниб, пировард натижада чинакам буюк мақсадларга эришиш учун тинмай меҳнат қилишимиз керак», – деди Асхат Оралов.

1996 йилда ўзбек меъморлари томонидан Қозоғистон олимлари иштирокида Тўле би мақбараси реставрация қилинди.

«Барча қозоқлар учун бебаҳо тарихий ва маънавий меросни асраб-авайлашда кўрсатаётган ёрдами учун Ўзбекистон томонига миннатдорчилик билдираман. Мамлакатларимизни азалий ва мустаҳкам дўстлик ришталари боғлаб туради, ишончим комилки, улар вақт ўтиши билан янада мустаҳкамланади. Тўле би мақбараси ана шу узилмас ришта тимсолларидан биридир», — деди вазир.