Қозоғистоннинг Минераген кодекси ишлаб чиқилади
ASTANА. Кazinform - Қозоғистоннинг Минераген кодекси ишлаб чиқилади. Бу ҳақда ҚР Миллий геология хизмати раиси Ерлан Ғалиев Ҳукумат йиғилишида маълум қилди.
– Геология Ер ҳақидаги асосий фанлардан бири сифатида ер қаърини ўрганиш ва ундан самарали фойдаланишда муҳим ўрин тутади. Акциядорлик жамиятининг илмий вазифалари қаторида Қозоғистоннинг рақамли геологик харитасини, тасвирлаш воситаларининг маълумот базасини яратиш, геология соҳасидаги шаблон ва стандартларни бирлаштириш кабилар бор, - деди у.
Унинг қайд этишича, ушбу чора-тадбирларнинг бир қисмини Британия Геология хизмати билан биргаликда 2025 йилнинг биринчи чорагида амалга ошириш режалаштирилган.
– Шунингдек, мамлакат илмий ва академик ҳамжамиятлари билан ҳамкорликда Қозоғистон Республикасининг Минераген кодексини ишлаб чиқишга киришамиз. Бу конларнинг турли гуруҳларини аниқлаш имконини беради, уларнинг тақсимланиши ҳақида прогноз қилиш учун илмий асосга айланади. Шу билан бирга, геодинамик ва палинспастик хариталарни ишлаб чиқишга эътибор қаратиш муҳимлигини таъкидламоқчимиз, - деди Ерлан Ғалиев.
