Қозоғистонликлар октябрь ойигача Астана ва Туркистондан Самарқандга учишлари мумкин

ASTANА. Кazinform — Туркистон – Самарқанд – Туркистон йўналиши бўйича ҳаво қатнови 2025 йил 25 октябрга қадар узайтирилди.Бу ҳақда QAZAQ AIR (VietJet Qazaqstan) авиакомпанияси маълум қилди.

1 сентябрдан рейслар янгиланган жадвал асосида амалга оширилади. Бу йўловчиларга саёҳатларини ҳар қачонгидан ҳам қулайроқ режалаштириш имконини беради.

Жума ва якшанба кунлари:

* IQ 509 рейси, Туркистон – Самарқанд: учиш – 12:45, қўниш – 14:15

* IQ 510 рейси, Самарқанд – Туркистон: учиш – 15:05, қўниш – 16:30

* Бир томонлама чипталар нархи 14 000 тенгедан бошланади

Шунингдек, транзит йўналиши мавжуд:

* Астана – Самарқанд (Туркистон орқали): учиш – 09:30, қўниш – 14:15

* Самарқанд – Астана (Туркистон орқали): учиш – 15:05, қўниш – 19:20

* Бир томонлама чипталар нархи 41 000 тенгедан бошланади

— Ёзги мавсумда ушбу йўналиш қозоғистонлик ва ўзбекистонлик йўловчилар орасида доимий талабга эга. Бу авиакомпаниянинг парвозларни кузда ҳам давом эттириш қарорига асос бўлди. Мунтазам рейслар Қозоғистон ва Ўзбекистон ўртасидаги туризм, маданий ва ишбилармонлик алоқаларини ривожлантиришга хизмат қилади, — дейилади авиакомпания хабарида.

Эслатиб ўтамиз, аввалроқ ТОП-100: Қозоғистоннинг 2 та компанияси энг яхши авиакомпаниялар сафидан жой олгани ҳақида хабар берган эдик.