Қозоғистонлик теннисчи жаҳон рейтингида кўтарилиб, шахсий рекордини ўрнатди

АSTANА. Kazinform - Қозоғистонлик теннисчи Юлия Путинцева Аёллар теннис ассоциациясининг (WТА) жуфтликлар рейтингида ўз ўрнини сезиларли даражада яхшилади, деб хабар беради Sports.kz.

Янгиланган рейтингда Юлия Путинцева 24 поғона юқорилаб, 81-ўринга кўтарилди. Бу унинг шахсий рекордидир.

Ўтган ҳафта Путинцева чехиялик Линда Носкова билан биргаликда Дубай турнирининг чорак финалигача етиб, хитойлик Сюй Ифань ва Ян Чжаосюанга имкониятни бой берган эди. Носкова эса 17 поғона юқорилаб, 74-ўринга кўтарилди.

Яккалик рейтингида Юлия Путинцева 22-ўринда.

Эслатиб ўтамиз, аввалроқ Юлия Путинцева жаҳон рейтингида яна ТОП-20 га киргани ҳақида хабар берган эдик.