Қозоғистонлик ҳарбий хизматчи қўл жанги бўйича жаҳон чемпионатида олтин медални қўлга киритди
ASTANА. Кazinform – Махсус операциялар кучларида хизмат қилаётган майор Вадим Федосеев қўл жанги бўйича жаҳон чемпионатида олтин медални қўлга киритди. Бу ҳақда Қозоғистон Республикаси Мудофаа вазирлиги маълум қилди.
Россия Федерацияси пойтахтида ўтказилган мусобақада 18 давлатдан спортчилар иштирок этди.
73 килограммдан ортиқ бўлган вазнда майор В. Федосеевнинг рақиблари Туркманистон ва Россия спортчилари эди. У сўнгги жангида Ўзбекистон вакилини 11:7 ҳисобида мағлуб этди.
Халқаро аэропортда чемпионни ҳамкасблари қарсаклар билан кутиб олди ва ҳарбий хизматчини чемпионлик камарини қўлга киритгани билан қизғин табриклади.
Шоҳсупага чиқиш осон эмас. Бу йўл қийинчиликлар ва машаққатли машғулотларга тўла. Мураббийлар подполковник Нурдаулет Ержигитов ва Дауирбек Даулетовлар унга зарбалар, комбинациялар ва ҳимоя усулларини ўрганишга ёрдам беришди.
Спортчи бунгача қўл жанги бўйича Қозоғистон Мудофаа вазири кубоги ва жаҳон чемпионати, армия қўл жанги бўйича МДҲ чемпиони бўлган.
Вадим Федосеевнинг Москвадаги ёрқин ғалабаси қозоғистонликларга Мустақиллик кунида ажойиб совға ва спортчининг шахсий ютуқларига янги қўшимча бўлди.
