Қозоғистонлик футболчи Дастан Сатпаев "Челси" клубига ўтди
ALMATY. Kazinform – Алматининг «Қайрат» ва Лондоннинг «Челси» клублари 16 ёшли ҳужумчи трансфери бўйича келишувга эришди.
Алмати клуби матбуот хизмати хабарига кўра, у 2026 йилнинг ёзида балоғат ёшига етганидан сўнг расман инглизлар сафига қўшилади.
Унгача эса Дастан Сатпаев “Қайрат” таркибида ўз чиқишларини давом эттиради.
Дастан Алмати шаҳрида туғилган. 8 ёшида “Қайрат” академиясига ўқишга кирди ва тайёргарликнинг барча босқичларидан ўтди.
Эслатиб ўтамиз, Сатпаев 2024 йилнинг май ойида «Қайрат» сафида дебют қилган энг ёш футболчи сифатида тарихга кирган эди. Сўнгги QJ лигасида ёш футболчи 28 ўйинда 26 та гол урди ва 10 та голли узатмани амалга оширди. Сатпаев мавсумнинг энг яхши футболчиси унвонини ҳам олди. УEФА Ўсмирлар лигасида (U19) эса 16 ёшли футболчи тўртта ўйинда битта гол урди ва битта голли узатмани амалга оширди.
