Қозоғистонда жуда кам учрайдиган танга топилди
ASTANA. Kazinform – “Тамбали” қўриқхона-музейидан нодир танга топилди. Бу ҳақда ҚР Маданият ва ахборот вазирлиги хабар берди.
"Тамбали" илмий ходимлари халқаро тарихий ва археологик экспедиция ўтказилган Қоғали водийсида олиб борилган қазишмалар пайтида шов-шувли кашфиётни аниқладилар. Қозоғистонда биринчи марта жуда кам учрайдиган танга топилди.
Туркий-сўғ илк ўрта аср нумизматикаси соҳасидаги мутахассисларнинг фикрича, бу танга VII аср ўрталаридан бошлаб қўлланилган. Экспедиция томонидан ўрганилган Қоғали водийси ёдгорликлари VII-VIII асрларнинг биринчи ярмида Жетису ўлкасида яшаган ғарбий турклар маданиятига мансуб.
Айни пайтда “Тамбали” илмий-реставрация лабораториясида ноёб артефакт устида илк консервация ишлари олиб борилмоқда.
Археологик қазишмалар ҳали ҳам давом этмоқда.
