Қозоғистонда волонтёрлик ташаббусларини амалга ошириш учун 70 миллион тенгедан ортиқ маблағ ажратилади

ASTANA. Kazinform - Birgemiz миллий лойиҳаси доирасида волонтёрлик ташаббусларини амалга ошириш учун кичик грантлар бўйича аризаларни қабул қилиш Қозоғистоннинг барча ҳудудларида давом этмоқда. Мазкур лойиҳа турли соҳалардаги аниқ маҳаллий муаммоларни ҳал этишга қаратилган бўлиб, жорий йилнинг 25 апрелидан 31 майига қадар ўтказилади.

Танловда иштирок этиш учун аризалар Birgemiz лойиҳаларини амалга оширувчи 8 та нодавлат нотижорат ташкилоти томонидан қабул қилинади. Birgemiz грант дастури Қозоғистон Республикаси Маданият ва ахборот вазирлиги буйруғи билан “Фуқаролик ташаббусларини қўллаб-қувватлаш маркази” НАЖ кўмагида учинчи йилдирки муваффақиятли амалга оширилмоқда. Волонтёр бўлган вояга етган Қозоғистон фуқаролари, шунингдек ташаббускор гуруҳлар ва ННТлар ушбу давлат грантларини олишлари мумкин. Бу йилги танлов доирасида ҳар бири 300 000 тенгедан 240 та кичик грант ажратилади.

Birgemiz лойиҳасининг волонтёрлик ташаббуслари қуйидаги йўналишларни ўз ичига олади:

• BIRGEMIZ: Bilim;

• BIRGEMIZ: Saýlyq;

• BIRGEMIZ: Sabaqtastyq;

• BIRGEMIZ: Taza Álem;

• BIRGEMIZ: Asyl mura;

• BIRGEMIZ: Qamqor;

• BIRGEMIZ: Úmit;

• BIRGEMIZ: Ayala

Аризаларни қабул қилиш 2024 йил 31 майгача узайтирилди. Танлов якунлари ва саралаш натижаларини эълон қилиш 2024 йил 18 июнь куни бўлиб ўтади.

Танловда иштирок этиш учун Фуқаролик ташаббусларини қўллаб-қувватлаш маркази веб-сайтида кўрсатилган ҳужжатларнинг тўлиқ тўпламини тайёрлаш ва тақдим этиш зарур. Ташкилотчиларнинг қўшимча маълумотлари ва алоқаларини https://cisc.kz/ сайтидан олиш мумкин.