Қозоғистонда робот суд ижрочиси қарздорларнинг 7,5 миллион тенгесини тежаб қолди

PAVLODAR. Кazinform – ҚР Адлия вазирлиги ярим йил аввал Иртиш-Баян ҳудудида “Робот суд ижрочиси” пилот лойиҳасини ишга туширган эди. Рақамли робот қарздорларни кредитлари ва соддалаштирилган иш юритиш маълумотлари ҳақида автоматик равишда хабардор қилади.

“Робот суд ижрочиси” пилот лойиҳаси Павлодар вилоятида ўз самарасини бера бошлади. Олти ой олдин ишга туширилган рақамли робот қарздорларнинг суд ижрочиларига тўлайдиган 7,5 миллион тенгесини тежаб қолди.

Вилоят адлия бошқармаси бошлиғи Маржан Имятованинг сўзларига кўра, рақамли суд ижрочиси қарздорларнинг қарзлари ва соддалаштирилган иш юритиш тўғрисидаги маълумотларини автоматик тарзда хабардор қилади, уларнинг телефон рақамига SMS ва Egov Mobile иловасига билдиришномалар юборади. Охирги олти ой давомида тизим 14 мингга яқин соддалаштирилган иш юритиш жараёнини амалга оширди.

“Рақамли суд ижрочиси жуда кўп афзалликларга эга. Аввало, одамлар суд ижрочиларига комиссия тўлашдан қочади ва уларга боришга мажбур бўлмайди. Иккинчидан, робот қарз миқдори чегарасида фақат битта банк ҳисобини блоклайди. Маълумки, анъанавий суд ижрочилари барча ҳисобларни блокировка қилади. Қарздорлар ўз қарзларини онлайн тўлашлари ва ҳисобларини автоматик равишда блокдан чиқаришлари мумкин, - дейди у.

Шуни ҳисобга олиш керакки, суд ижрочисининг одатдаги комиссияси қарз миқдорининг 25 фоизини ташкил қилади.

Эслатиб ўтамиз, авалроқ Қозоғистонда робот суд ижрочиси ишга туширилгани ҳақида хабар берган эдик.