Қозоғистонда полиэтилен ишлаб чиқарувчи завод қурилади
ASTANA. Kazinform - Энергетика вазири Алмасадам Сатқалиевнинг сўзларига кўра, 2024 йил октябрь ойида вазирлик 2024–2030 йилларда нефть-кимё саноатини ривожлантириш бўйича “Йўл харитаси”ни ишлаб чиқди ва тасдиқлади, деб хабар беради Kazinform агентлиги мухбири.
“Йўл харитаси” доирасида йирик лойиҳаларни амалга ошириш, инфратузилмани барпо этиш, соҳани рағбатлантириш чора-тадбирларини ишлаб чиқиш режалаштирилган. 2024 йил декабрида нефть-кимё саноатига – метанол ишлаб чиқаришга сармоя киритиш бўйича биринчи Битимнинг хулосаси маъқулланди», - деди Энергетика вазири.
Унинг сўзларига кўра, асосий лойиҳалардан бири Атирау вилоятида полиэтилен ишлаб чиқарувчи завод қурилиши бўлади.
«Режаларга Атирау вилоятида йилига 1250 минг тонна қувватга эга полиэтилен ишлаб чиқариш заводи қурилишини бошлаш киради. Бундан ташқари, соҳада газ ажратиш мажмуаси лойиҳасини молиялаштириш ва бозорни контрафакт маҳсулотлардан ҳимоя қилиш мақсадида мотор мойларини мажбурий маркалашни жорий этиш масалалари устида иш олиб борилмоқда», - деди вазир.
Унинг сўларига кўра, шунингдек, “Нефть ва газ-кимё саноати тўғрисида”ги ихтисослаштирилган қонун ишлаб чиқилмоқда.
