Қозоғистонда маҳаллий юк ташувчи авиакомпания пайдо бўлиши мумкин

ASTANA. Kazinform - SCAT авиакомпанияси юк ташиш компанияси очишни режалаштирмоқда. Бу ҳақда ҚР Транспорт вазири ўринбосари Талғат Ластаев Ҳукуматдаги брифингда Kazinform мухбирининг саволига жавоб берди.

Эслатиб ўтамиз, Қозоғистонда Астана, Алмати, Ақтау, Ақтўбе, Қарағанда ва Чимкент аэропортлари негизида олтита халқаро ҳаво хабларини ташкил этиш режалаштирилган. Бироқ экспертларнинг қайд этишича, маҳаллий юк ташувчи авиакомпанияларнинг йўқлиги лойиҳани амалга оширишни қийинлаштириши мумкин.

Шу муносабат билан Ластаев Ҳукуматнинг ушбу масалани ҳал қилиш бўйича режалари ҳақида айтиб ўтди.

“Бугун кўрсатма берилди, бу савол кўп бора берилган, умуман олганда, юк ташувчи корхона муваффақиятли ишлаши учун юк ташиш ҳажми зарур. Ҳозирги геосиёсий вазиятни инобатга олган ҳолда, айрим рейслар Қозоғистон орқали амалга оширилмоқда, бу шартлар ишлаб чиқилган. Бугун Бош вазир бу ишни жадаллаштириш бўйича топшириқлар берди. Авиакомпанияларимиз, хусусан, SCAT юк ташувчи авиакомпания очишни режалаштирган. Биз бу борада ишлаймиз”, - деди вазир ўринбосари.

Муаллиф: Данира Исқақова