Қозоғистонда қишлоқ хўжалиги ялпи маҳсулоти 4 фоизга ошди

ASTANA. Kazinform – 2025 йил январь-май ойларида қишлоқ хўжалиги ялпи маҳсулоти 1,3 триллион тенгени ташкил этиб, ўтган йилнинг шу даврига нисбатан 4 фоизга ўсди. Бу ҳақда ҚР Қишлоқ хўжалиги вазирлиги маълум қилди. 

Вазирлик маълумотларига кўра, 1,2 трлн тенгегача ўсиш асосан чорвачилик маҳсулотлари ҳажмининг 4,2% га ошиши ҳисобига таъминланди . Хусусан, сўйиш вазнида гўшт етиштириш ҳажми 3,0 фоизга (409,1 минг тоннагача), сигир сути ишлаб чиқариш 7,5 фоизга (1 347,9 минг тоннагача) ошди.

Чорвачилик: қорамоллар 23,4 фоизга (9,7 миллион бошгача), қўй ва эчкилар 7,8 фоизга (26,3 миллион бошгача), отлар 112,0 фоизга (5,0 миллион бошгача), туялар 8,5 фоизга (321,3 минг бошгача), паррандалар 2,2 фоизга (47,7 миллион бошгача) ўсди. 

Ўсимликчилик маҳсулоти 68,0 миллиард тенгени ташкил этди, жисмоний ҳажм индекси (ЖҲИ) 100% даражасида сақланди.

Озиқ-овқат маҳсулотлари ишлаб чиқариш 10,5 фоизга ошиб, 1 496,5 миллиард тенгега, ичимликлар ишлаб чиқариш эса 5,3 фоизга ошиб, 451,9 миллиард тенгега етди.

Ҳудудлар бўйича ўртача республика кўрсаткичидан юқори ўсиш 9 та вилоят ва 2 та республика аҳамиятига эга шаҳарларда қайд этилди: Жамбил вилоятида – 151,3%, Жетисуда – 138,4%, Чимкент шаҳрида – 123,5%, Шимолий Қозоғистонда – 118,3%, Қизилўрда – 116,7%, Ақмола – 113,6%, Манғистау – 113,4%, Шарқий Қозоғистон - 111,7%, Астана шаҳри - 111,3%, Алмати вилояти - 110,6%, Туркистон вилояти - 110,5%.

Шунингдек, алоҳида озиқ-овқат маҳсулотларини ишлаб чиқариш ҳажми ўсди: ўсимлик ёғи - 19,1 фоизга (376,8 минг тоннагача), колбаса маҳсулотлари - 11,3 фоизга (31,1 минг тоннагача), сариёғ - 12,7 фоизга (15,1 минг тоннагача), ун - 6,6 фоизга (1 438,3 минг тоннагача), ун - 6,6 фоизга (1,4 минг тоннагача), нордон сут маҳсулотлари - 43,3 фоизга (106,2 минг тоннагача).

Эслатиб ўтамиз, Қозоғистон Эронга буғдой экспортини йилига 2 миллион тоннагача оширишни режалаштирган.