Қозоғистонда 1 январдан кўчма цирк ва ҳайвонот боғлари фаолияти тақиқланади
ASTANA. Kazinform – Бу ҳақда ҚР Экология ва табиий ресурслар вазири Ерлан Нисанбаев Ҳукуматда бўлиб ўтган матбуот анжуманида маълум қилди.
“Дарҳақиқат, ҳайвонларга масъулият билан муносабатда бўлиш тўғрисидаги қонун ҳужжатларида ёввойи ҳайвонларни кўргазмага қўйиш, кўчма ҳайвонот боғлари, кўчма океанариумлар ва шунга ўхшаш фаолиятни тақиқловчи норма киритилган. Ушбу норма 2025 йил 1 январдан кучга киради. Шу боис, менимча, келаси йилнинг 1 январидан бу каби кўчма цирк, ҳайвонот боғлари ва бошқалар фаолияти тўхтатилади”, – деди вазир Ҳукумат уйида.
Бунгача Ерлан Нисанбаев Қозоғистонга Нидерландиядан олиб келинган йўлбарсларнинг биринчи қиши қандай ўтаётгани ҳақида гапириб берди.
Алмати вилоятида Иле-Балқаш давлат қўриқхонаси йўлбарсларни уларнинг тарихий яшаш жойларига реинтродукция қилиш дастури доирасида ташкил этилган.
Жорий кузда Голландиядан Иле-Балқаш қўриқхонасидаги махсус қафасда кўпайтириш учун 2 та йўлбарс келтирилди. 2025 йилда Россия Федерациясидан 3-4 та йўлбарс олиб келиши кутилмоқда.
