Қозоғистон нейрохирурглари ихтиро қилган 3D имплант патент олди

ASTANА. Кazinform – Астана нейрохирурглари умуртқа поғонасининг физиологик тузилишини тўлиқ такрорлайдиган 3D имплант ихтиро қилди. Миллий нейрохирургия маркази бошқаруви раиси Серик Ақшолақов маҳаллий ноу-хау ҳақида гапирди, деб хабар беради Кazinform мухбири.

«Мутахассисларимиз илғор тажрибани амалиётга татбиқ этиш билан бирга, илмий изланишлар билан ҳам шуғулланади. Ҳозиргача улар 10 дан ортиқ грант тадқиқотларини олиб борган. Улардан бири «Ғалам» космик аппарати ишлаб чиқарувчиси билан ҳамкорликда амалга оширилаётган лойиҳадир. Ҳар бир бемор учун умуртқа поғонасининг физиологик тузилишини тўлиқ такрорлайдиган индивидуал 3D имплант ишлаб чиқилади. Бу - қозоғистонлик ноу-хау, марказимизнинг ғояси. Илмий тадқиқотнинг экспериментал қисми Германиянинг Травматология ва биомеханика институтида ўтказилган, препарат объекти эса АҚШдан олинган», — деди Серик Ақшолақов пойтахтда бўлиб ўтаётган нейрохирургларнинг V конгрессида.

Унга кўра, илмий кашфиётнинг ижобий натижасига розилик ҳужжати олиниб, гемангиома ва орқа мия жароҳати билан оғриган беморларга 4 та операция ўтказилди.

«3D имплант учун патент олинди. Слайдда стандарт имплантлар ва бизнинг махсус ишлаб чиқилган имплантларимиз ўртасидаги фарқни кўриш мумкин. Ушбу усулнинг афзалликлари қуйидагилардан иборат: қўшни умуртқаларнинг сўнгги плиталари билан 100% мос келиши, алоқа жойидаги энг юқори стрессларни камайтириш, умуртқа поғонасининг барқарорлиги ва биомеханикасини қўллаб-қувватлаш», - дейди у.

Муаллиф: Даулет Изтилеу