Қозоғистон қайси давлатлар билан сунъий йўлдошларни экспорт қилиш бўйича келишувларга эга
ASTANA. Kazinform – Икки давлат билан сунъий йўлдошларни биргаликда ишлаб чиқиш бўйича аниқ келишувларга эришилди. Бу ҳақда Қозоғистон Республикаси Рақамли ривожланиш, инновациялар ва аэрокосмик саноат вазирлиги хабар берди.
«Қазақстан Ғарыш Сапары» МК” АЖ 2024 йилдан буён Қозоғистонда ишлаб чиқарилган сунъий йўлдошларни экспорт қилиш бўйича турли давлатлар билан фаол музокаралар олиб бормоқда. Айни пайтда Мўғулистон ва Конго билан сунъий йўлдошларни биргаликда ишлаб чиқиш бўйича аниқ келишувларга эришилган. Бу давлатлар Қозоғистоннинг Ерни масофадан зондлаш технологияларидан қишлоқ хўжалиги, экология ва табиий ресурслар мониторинги каби турли соҳаларда фойдаланишдан манфаатдор”, - дейилади вазирлик Kazinformга берган жавобида.
Эслатиб ўтамиз, ўтган йили кузида Рақамли ривожланиш, инновациялар ва аэрокосмик саноат вазири Жаслан Мадиев икки давлат билан сунъий йўлдошлар экспорти бўйича музокаралар олиб борилаётганини айтган эди.
Қозоғистон сунъий йўлдошини импорт қилишдан манфаатдор давлатлар рўйхатига Гвинея-Бисау қўшилиши мумкин.
