Қозоғистон иқтисодий ўсиш суръатлари бўйича ЕОИИда учинчи ўринни эгаллади
ASTANA. Kazinform – 2024 йил якуни бўйича Қозоғистон ялпи ички маҳсулоти (ЯИМ) ўсиши 4,2 фоизни ташкил этди, деб хабар беради Каzinform агентлиги.
2024 йилда ЯИМ ўсиши бўйича Евроосиё иқтисодий иттифоқи (ЕОИИ) давлатлари орасида Қирғизистон 9 фоиз кўрсаткич билан биринчи ўринни, Арманистон иккинчи ўринни эгаллади – 6 фоиз. 4,2 фоиз билан Қозоғистон учинчи ўринни эгаллади. Бу ҳақда Евроосиё иқтисодий комиссиясининг (ЕИК) таҳлилий шарҳида айтилади.
Иқтисодиёт ва инвестициялар
Қозоғистон ялпи ички маҳсулоти (ЯИМ) 2023 йилга нисбатан 4,8 фоизга ошди. Сўров натижаларига кўра, доимий инвестициялар 0,6 фоизга ўсди.
Саноат ва қурилиш
Қозоғистонда саноат ишлаб чиқариши 2,7 фоизга ошди, қайта ишлаш саноатида эса 5,9 фоизга ўсиш қайд этилди. Амалга оширилган қурилиш ишлари ҳажмининг ўсиши 13,1 фоизни ташкил этди, бу ЕОИИ мамлакатлари орасида энг яхши натижадир.
Қишлоқ хўжалиги
Қозоғистонда қишлоқ хўжалиги ишлаб чиқариши 13,7 фоизга ўсди, бу ЕОИИ мамлакатлари орасида энг юқори ўсишни кўрсатди.
Транспорт ва савдо
2024 йил якунига кўра, юк айланмаси 2,6 фоизга, йўловчи айланмаси эса 13,8 фоизга ўсди – бу иттифоқ мамлакатлари орасида энг юқори кўрсаткичдир. Чакана товар айланмаси ҳам 9,8 фоизга ошди.
Инфляция
Истеъмол нархлари индекси 8,6 фоизга, саноат ишлаб чиқарувчилари нархлари индекси 7,3 фоизга ошди.
