Қозоғистон боксчилари Странжа турнирида яна 1 та олтин ва 3 та кумуш медални қўлга киритди

ASTANA. Kazinform - Болгария пойтахтида ўтказилаётган бокс бўйича “Странжа кубогида” Қозоғистон боксчилари халқаро турнирида яна 1 та олтин ва 3 та кумуш медални қўлга киритди.

Аниқроқ айтадиган бўлсак, эркаклар ўртасида 71 килограмм вазн тоифасида икки нафар қозоғистонлик боксчи финалда олтин соврин учун кураш олиб борди. Ушбу вазн тоифасида Абилайхан Жусипов ва Фарух Тоқтасинов ўзаро энг кучлини аниқлади. Натижада Абилайхан ғалаба қозониб, чемпион бўлган бўлса, Тоқтасинов кумуш медални қўлга киритди.

Бундан ташқари, эркаклар ўртасида 80 килограммгача бўлган вазн тоифасида ҳамюртимиз Ерасил Жақпеков олтин медал учун ўзбекистонлик боксчи Фазлиддин Еркинбоев билан куч синашди ва афсуски, ҳакамлар унинг рақибига ён босдилар.

Эслатиб ўтамиз, бунгача Тўрехан Сабирхан ва Ертуған Зейнуллинов “Странжа-2025” турнирида чемпион бўлди.

Шунингдек, яна икки нафар боксчи кумуш медални қўлга киритди.

Аёллар ўртасидаги бокс баҳсларида ҳамюртларимиз 1 та олтин, 6 та кумуш ва 8 та бронза медални қўлга киритди.