ҚМГ раҳбари Руминия Бош вазири билан энергетика соҳасида ҳамкорлик истиқболларини муҳокама қилди
ASTANA. Kazinform – “ҚазМунайГаз” МК” АЖ бошқаруви раиси Асхат Хасенов Бухарест шаҳрида Руминия Бош вазири Марчел Чолаку билан учрашди.
Томонлар ҚМГнинг Руминиядаги шоъба корхонаси KMG International N.V. (Rompetrol) хизматини ҳисобга олган ҳолда, Қозоғистон-Руминия иқтисодий ҳамкорлигини мустаҳкамлаш муҳимлигини тасдиқлади.
KMGI энг йирик солиқ тўловчи компаниялар бешлигидан, шунингдек, энг йирик иш берувчилардан бири ҳисобланади.
Умуман олганда, халқаро энергетика бозоридаги мавжуд муаммоларга қарамай, Қозоғистон Руминия нефть маҳсулотларининг асосий ишлаб чиқарувчиси ва ишончли ҳамкори бўлиб, энергия хавфсизлигига ҳисса қўшмоқда.
“Руминия Европа Иттифоқидаги муҳим ҳамкоримиз. Буни нефть етказиб бериш ҳажмининг катталиги ва мамлакатдаги нефтни қайта ишлаш соҳасидаги ҚМГ улуши ҳам тасдиқлайди. Завод ишга туширилгандан бери нефтни қайта ишлаш қуввати йилига 5,5 миллион тоннага ошди. Нефтни қайта ишлаш заводи вилоятдаги энг замонавий корхона бўлиб, очиқ рангли нефть маҳсулотлари ишлаб чиқариш даражаси 88 фоизга етди”, – дейди А.Хасенов.
Учрашувда сармоявий муҳит, шунингдек, Руминиядаги “ҚазМунайГаз” активларининг барқарор ва ишончли ишлашини таъминлаш масалалари муҳокама қилинди.
Шу куни ҚМГ раҳбари Руминия энергетика вазири Себастьян Бурдужа билан учрашди. Томонлар нефть ва газ соҳасидаги ҳамкорликнинг истиқболдаги имкониятларини муҳокама қилдилар.
