ҚҚСни ҳисоблашнинг пастки чегараси 15 миллион тенге бўлади – Серик Жуманғарин

ASTANA. Kazinform – Ҳукумат мажлисида ҚР Бош вазири ўринбосари – Миллий иқтисодиёт вазири Серик Жуманғарин қўшилган қиймат солиғини тартибга солишнинг асосий янгиликларини тақдим этди.

“Бугунги кунда корхоналарнинг атиги 4 фоизи қўшилган қиймат солиғини тўлайди. Кўпгина компаниялар солиқлардан қочиш учун атайлаб ўз бизнесларини тарқатиб юборган. Бу солиқ тизимини бузади ва ҚҚСнинг нормал ҳисобланишига тўсқинлик қилади. Шу боис, ҚҚС бўйича рўйхатдан ўтиш учун минимал чегарани 80 миллион тенгедан 15 миллион тенгега туширишни тавсия қиламиз”, – деди Бош вазир ўринбосари.

Шунингдек, келгусида солиқ тўлашдан бўйин товламай, ҳалол меҳнат қилиш мумкинлиги, бизнесга тўсиқ бўладиган харажатлар ҳам камроқ бўлишини таъкидлади.

“Бу бизнес учун мувозанатли вазият яратиб, солиқ тўлашдан бўйин товлаш схемаларининг олдини олади”, – деди Серик Жуманғарин ва бу борада халқаро тажрибадан фойдаланилганини қўшимча қилди.