Қирол Карл III Канадага мамлакат суверенитетини таъкидлаш учун ташриф буюрди

ASTANA. Kazinform – Буюк Британия қироли Карл III ва малика Камилла душанба куни Оттавага ташриф буюришди. Бу ташриф Канада суверенитетини таъкидлаш мақсадида амалга оширилмоқда.

Қирол Карл III — Британия Мустамлака иттифоқига кирувчи Канадада давлат раҳбари ҳисобланади.

Дональд Трампнинг Канадани АҚШнинг 51-штатига айлантириш ҳақидаги такрорий таклифлари Канада бош вазири Марк Карнини сейшанба куни Парламент очилиши муносабати билан Карл III ни трон нутқи билан чиқиш қилишга таклиф этишга ундади, деб ёзади The New York Times.

Гарчи қирол Карл нутқни ўз номидан сўзлаётгандек ўқиса-да, аслида бу матн бош вазир девони томонидан тайёрланади. Унда ҳукуматнинг қонунчилик режалари умумий тарзда баён этилади ва дипломатик равишда ишлаб чиқилган иборалар орқали Канада суверенитети тасдиқланиши кутилмоқда.

АҚШ Буюк Британиядан мустақилликка эришганидан сўнг, Канада 1867 йилгача мустамлака сифатида қолган ва шундан кейин британия услубидаги парламент тизимига эга конституцион монархия сифатида ривожланишда давом этган.

The Hill нашри таъкидлашича, сўнгги пайтларда қирол Карл Канадага бўлган қўллаб-қувватловини очиқ намоён қилмоқда, жумладан, унинг кўкрагида Канада ҳарбий медалларини тақиб юриши бунга мисол бўла олади.