Қирғизистонда меҳнат мигрантлари учун янги қоидалар жорий этилмоқда
BISHKEK. Kazinform - Мамлакат Вазирлар кабинети чет эл фуқаролари ва фуқаролиги бўлмаган шахсларнинг бўлиши ва меҳнат фаолиятини амалга ошириши учун рухсатномалар бериш тартиби тўғрисидаги вақтинчалик низомни тасдиқлади, деб хабар беради Кazinform мухбири.
Янги қоидалар 2025 йил 1 январдан кучга киради ва 2026 йил 1 январгача амал қилади.
Ушбу чора-тадбирлар чет эл фуқаролари ва фуқаролиги бўлмаган шахсларнинг Қирғизистон Республикаси ҳудудида бўлишини тартибга солувчи ҳужжатларни расмийлаштириш тартибини оптималлаштиришга қаратилган.
Қирғизистон Республикаси ҳудудида бўлиш ва ишлаш ҳуқуқи “Электрон виза” портали билан интеграциялашган “Ягона дарча” тизими орқали ягона рухсатнома билан берилади.
Эслатиб ўтамиз, Қозоғистонда вақтинчалик прописка, ШИР бериш ва жисмоний шахсдан ишлаш учун рухсатнома олиш Аҳолига хизмат кўрсатиш марказида амалга оширилади. Қозоғистонга келган хорижликлар вақтинчалик яшаш учун рухсатнома олмасдан 30 кунгача қолиш ҳуқуқига эга. 30 кундан ортиқ муддатга (иш, ўқиш, даволаниш, бизнес муҳожирлари, шунингдек, оилани бирлаштириш ва миссионерлик фаолияти учун) вақтинчалик яшаш учун рухсатнома берилади.
Муаллиф: Гулмира Абдраҳманова
