Қирғизистонда маиший зўравонлик содир этганлар 14 кунга қамалади
ASTANА. Кazinform — Қирғизистон маиший зўравонлик учун жазони кучайтиришни таклиф қилмоқда. Энди оила золимлари 14 суткагача қамалади, деб ёзади Кабар.
Жогорку Кенешнинг Ҳуқуқий-тартибот, ҳуқуқбузарликларнинг олдини олиш ва коррупцияга қарши курашиш қўмитаси “Қирғизистон Республикасининг айрим қонун ҳужжатларига (ҚР Маъмурий ҳуқуқбузарликлар тўғрисидаги кодекси, “Маиший зўравонликни ҳимоя қилиш ва олдини олиш тўғрисида”ги қонунларга) ўзгартишлар киритиш тўғрисида”ги қонун лойиҳасини кўриб чиқди ва биринчи ўқишда маъқуллади.
Қонун лойиҳасида маиший зўравонлик содир этганлик учун маъмурий қамоққа олиш муддатини 14 суткагача узайтириш орқали жавобгарликни кучайтириш таклиф этилмоқда.
Қаттиқроқ жазо қуйидаги мақсадларга хизмат қилади:
- жиноят содир этган шахсни узоқ муддат вақтинча изоляция қилиш ҳисобига рецидив жиноятларини камайтириш;
- жабрланувчига хавфсизлигини таъминлаш учун вақт бериш орқали ҳақиқий ҳимоя механизмини шакллантириш;
- аҳолининг ҳуқуқий маданиятини юксалтириш, оиладаги зўравонликка нисбатан муросасиз муносабатни шакллантириш.
Эслатиб ўтамиз, аввалроқ Қирғизистонда тамаки маҳсулотларига акциз солиғини ошириш таклиф этилаётгани ҳақида хабар берган эдик.
