Қирғизистон валюта бозорида долларга талаб ошди
Мамлакат бош молиявий регуляторининг маълум қилишича, йил бошидан буён долларнинг сомга нисбатан расмий курси 1,27 фоизга ошган.
Қирғизистон Миллий банкининг Валюта ва кредит операциялари бошқармаси бошлиғи Азат Қозибеков мамлакат валюта бозоридаги ҳозирги вазият нисбатан барқарор эканини таъкидлади.
«Сўнгги пайтларда мамлакатимиз валюта бозорида хорижий валютага бўлган талаб таклиф этилаётган маблағлардан ошиб кетганини кўриш мумкин. Бу биринчи навбатда мавсумий омилларга боғлиқ. Бундан ташқари, Қирғизистон валюта бозоридаги хорижий валютага талаб ва таклиф ўртасидаги фарқга савдо ҳамкор-давлатларининг иқтисодий ривожланиш истиқболлари ҳам таъсир кўрсатади», — деди Азат Қозибеков.
Йил бошидан буён Қирғизистон Миллий банки валюта курслари орасидаги фарқни тенглаштириш мақсадида 151 миллион доллар сотган.
Мамлакатнинг кўрсатилган молиявий тартибга солувчи органи ўзгарувчан курс сиёсатини давом эттиради. Бироқ, бу йўналишда кескин ўзгаришлар бўлса, аралашув амалга оширилади.
Яъни, сом ва доллар курси ўртасидаги фарқни тўғридан-тўғри мослаштира бошлайди.
Муаллиф: Гульмира Абдрахманова
