Қирғизистон Парламенти раиси ҚР Президентининг Телерадиокомплексига ташриф буюрди
ASTANA. Kazinform - Қозоғистонга расмий ташрифи доирасида Қирғизистон Республикаси Жогорку Кенеши раиси Турғунбек уулу Нурланбек ҚР Президентининг Телерадиокомплекси офисига ташриф буюрди.
Жогорку Кенеш спикери медиатузилма фаолияти билан таништирилди, Jibek Joly телеканали студиясининг имкониятлари кўрсатилди, телерадиокомплекс фаолиятининг асосий йўналишлари ҳақида сўзлаб берилди, шунингдек, Silk Way Central Asia халқаро медиалойиҳаси тақдимоти ўтказилди.
Лойиҳадан кўзланган мақсад - Марказий Осиё учун ягона ахборот маконини шакллантириш ва минтақа мамлакатлари манфаатларини глобал медиа платформасида илгари суришдан иборат. Silk Way телеканали олти тилда – қозоқ, қирғиз, рус, инглиз, ўзбек ва турк тилларида кўрсатувлар олиб боради, шунингдек, тожик ва туркман томошабинлари учун контентни мослаштиради. Радиоэшиттириш географияси 300 миллиондан ортиқ аудиторияга эга бўлган тўрт қитъанинг 120 мамлакатини қамраб олади.
Лойиҳада New Time - Марказий Осиёдаги муҳим воқеаларнинг инглиз тилидаги ҳафталик шарҳи ва Success Stories of Central Asian Women каби дастурлар, минтақадаги аёлларнинг муваффақиятлари ҳақидаги қатор дастурлар мавжуд.
Келгусида Қирғизистон, Ўзбекистон, Туркманистон ва Тожикистон миллий телекомпаниялари билан контент алмашинувини кучайтириш ва ҳамкорлик алоқаларини ривожлантириш режалаштирилган.
