Қиличбозлик бўйича навбатдаги жаҳон чемпионати Ўзбекистонда бўлиб ўтади

TASHKENT. Kazinform - 2027 йил катталар ўртасидаги жаҳон чемпионати Тошкентда ўтказилиши маълум қилинди, деб хабар беради Kazinform агентлиги Olympic.uzга таяниб.

Тошкентда Халқаро қиличбозлик федерациясининг навбатдаги Конгресси муваффақиятли ўтказилди. Маълум қилинишича, Алишер Усмонов яна бир бор ушбу ташкилот раҳбари этиб сайланган.

Шунингдек, Ўзбекистон қиличбозлик федерацияси Бош котиби Гулнора Саидова Халқаро қиличбозлик федерацияси Ижроия қўмитаси аъзолари орасидан жой олган.

Қайд этилишича, 2027 йил катталар ўртасидаги жаҳон чемпионати Тошкентда ўтказилади. Режага кўра, мусобақа 20-28 июль кунлари Тошкентда бўлиб ўтади.

Шунингдек, тадбирда йил якунларига бағишланган тақдирлаш маросими ҳам бўлиб ўтди. Унда ёшлар ўртасида жаҳон рейтингини пешқадам сифатида якунлаган саблячи Фернанда Эррера ҳам мукофотланди.

Эслатиб ўтамиз, Ёшлар ўртасидаги Осиё ўйинлари мезбонлиги Ўзбекистондан олиб қўйилгани ҳақида хабар берган эдик.