Келгуси йил Астана куни байрами муносабати билан дам олиш кунлари жадвали ўзгаради

ASTANA. Кazinform - Келгуси йил 1 июл шанба иш куни, 7 июл, яъни жума куни дам олиш куни бўлиши мумкин. Бу ҳақда жамоатчилик муҳокамаси учун чиқарилган Ҳукумат қарорида айтилади, деб хабар беради Кazinform мухбири.

«Қозоғистон Республикаси Меҳнат кодексининг 85-моддаси 3-банди ва 84-моддаси 5-бандига мувофиқ, Ҳукумат белгиланган дам олиш кунларида иш вақтидан оқилона фойдаланиш мақсадида байрамларни бошқа иш кунларига ўзгартиришга ҳақли.

Шу муносабат билан дам олиш куни 2023 йил 1 июл шанба кунидан 2023 йил 7 июл, жумага ўзгартирилсин», — дейилади Ҳукумат қарорида.

Эслатиб ўтамиз, бундай ташаббус 6 июл Астана куни дам олиш кунларини самарали ташкил этиш учун таклиф қилинмоқда.

Ҳужжатнинг очиқ муҳокамаси 15 ноябрга қадар давом этади.

Бундан ташқари, аввалроқ Қозоғистонда IТ-мутахассисларининг байрамини тасдиқлаш таклиф қилинган эди. Хусусан, Рақамли ривожланиш вазирлиги 10 ноябрни рақамлаштириш ва ахборот технологиялари ходимлари куни деб эълон қилади.

Муаллиф: Алихан Асқар