Қасим-Жомарт Тоқаев Жазоир Президентини Мустақиллик куни билан табриклади

ASTANA. Kazinform – ҚР Президенти Жазоир Президенти Абделмаджид Теббунга табрик телеграммаси йўллади. Бу ҳақда Ақорда матбуот хизмати хабар берди.

Қасим-Жомарт Тоқаев Абделмаджид Теббун ва унинг ватандошларини Жазоир Халқ Демократик Республикасининг миллий байрами – Мустақиллик куни билан табриклади.

Қозоғистон Президенти Жазоирга янада гуллаб-яшнашни тилади, шунингдек, анъанавий дўстлик ва ўзаро англашув ришталарига асосланган қозоқ-жазоир ҳамкорлиги бундан буён ҳам икки халқ фаровонлиги йўлида мустаҳкамланиб боришига ишонч билдирди.