Қасим-Жомарт Тоқаев Шавкат Мирзиёев билан учрашди
SAMARKAND. Kazinform – ҚР Президенти Ўзбекистон Президенти Шавкат Мирзиёев билан учрашди, деб хабар беради Ақорда матбуот хизмати.
ҚР Президенти Қасим-Жомарт Тоқаев ЎР Президенти Шавкат Мирзиёев билан учрашувда бўлажак “Марказий Осиё – Европа Иттифоқи” саммитига алоҳида аҳамият қаратишини таъкидлади. ҚР Президенти мазкур тадбир минтақа ва Европа Иттифоқи ўртасидаги мулоқотни ривожлантиришга хизмат қилишига ишонч билдирди.
Президентлар Қозоғистон-Ўзбекистон муносабатлари ҳолатини кўриб чиқиш ва ҳамкорликдаги янги йўналишларни белгилаш учун яхши имконият яратган яқинда Алматида ўтказилган норасмий учрашув самарали бўлганини алоҳида таъкидладилар.
Давлат раҳбарлари Қозоғистон ва Ўзбекистон ўртасидаги ҳамкорликнинг юқори динамикасини қайд этиб, икки томонлама муносабатларнинг барча спектри бўйича ўзаро манфаатли шерикликни кенгайтиришга тайёр эканликларини тасдиқладилар.
Эслатиб ўтамиз, бунгача Қасим-Жомарт Тоқаев Европа тикланиш ва тараққиёт банки президенти билан учрашгани ҳақида ёзган эдик.
