Қасим-Жомарт Тоқаев пойтахтда ўтказилган шанбаликда иштирок этиб, ёшлар билан бирга дарахт экди

ASTANA. Kazinform – Президент Қасим-Жомарт Тоқаев пойтахтдаги тармоқ боғида «Яшил Астана» экологик ойлиги доирасида ташкил этилган шаҳар шанбалигида иштирок этди, дея хабар беради Kazinform Ақордага таяниб.

Қасим-Жомарт Тоқаев пойтахтдаги тармоқ боғига дарахт ўтқазди. Давлат раҳбари шанба куни кўнгиллилар ва талабалар билан суҳбатлашди.

«Қозоғистон - бизнинг умумий уйимиз. Шунинг учун уйимизни тоза сақлашимиз керак. Биз дарахт экишимиз, кўчаларни тозалашимиз керак. Бу бизнинг фуқаролик бурчимиздир. Шунинг учун барчангизни масъулиятли фуқаро бўлишга чорлайман. Барчангизга, айниқса, кўнгиллиларга миннатдорчилик билдираман»

, – деди Қасим-Жомарт Тоқаев.

Шанбаликда қатнашганлар 2 туп қарағай ва 39 туп жўка кўчатлари ўтқазди.

Эслатиб ўтамиз, пойтахтда 8 апрелдан 6 майга қадар анъанавий «Яшил Астана» экологик ойлиги ўтказиляпти. Унинг доирасида бир нечта коммунал ва шаҳар шанбаликлари ташкил этилади.