Қасим-Жомарт Тоқаев Кувайт Амирини табриклади

ASTANA. Kazinform - Президент шайх Мишъал ал-Аҳмад ал-Жобир ас-Сабоҳни Кувайт Давлати Миллий куни билан табриклади, дея хабар беради Кazinform агентлиги Ақорда матбуот хизматига таяниб.

Қозоғистон Президенти ўз телеграммасида Кувайт ўзининг сиёсий ва иқтисодий ютуқлари туфайли Яқин Шарқ ва ислом оламида юксак нуфузга эга эканини таъкидлади. Давлат раҳбари Қозоғистон ва Кувайт ўртасидаги анъанавий дўстлик ва ўзаро англашув ришталарига асосланган кўп қиррали ҳамкорлик бундан кейин  ҳам икки мамлакат халқлари фаровонлиги йўлида ривожланиб боришига ишонч билдирди.

Касим-Жомарт Тоқаев шайх Мишъал ал-Аҳмад ал-Жобир ас-Сабоҳга масъулиятли фаолиятида муваффақиятлар, қардош Кувайт халқига эса фаровонлик ва тараққиёт тилади.