Қасим-Жомарт Тоқаев қозоғистонликларни Қурбон ҳайити байрами билан табриклади

ASTANA. Kazinform – ҚР Президенти Қасим-Жомарт Тоқаев Қозоғистон халқини Қурбон ҳайити байрами билан табриклади.

Азиз биродарлар!

Қурбон ҳайити муборак! Бутун мусулмон уммати учун муқаддас саналган бу байрам иймон ва эзгулик рамзидир.

Қурбон ҳайитида яхшилик қилиш, муҳтожларга ёрдам бериш аждодларимиздан ўтиб келаётган эзгу анъанадир. Динимиз фуқароларни бир-бирини ҳурмат қилишга, яқинларига меҳр-оқибатли бўлишга даъват этади. Бу биродарлик ва ҳурматни ривожлантиради. Ана шундай эзгу қадриятлар туфайли халқимизнинг муборак бирлиги мустаҳкамланмоқда.

Қурбон ҳайити аҳил бирлик байрамидир. Юртимиздаги барқарорлик қадрини англаб, тинчлик-осойишталикни асраб-авайлаш орқали ҳар қандай қийинчиликларни енгиб ўтиб, юксак марраларга эришамиз. Биз биргаликда адолатли, тоза, хавфсиз ва кучли Қозоғистонни қурамиз. Қурбон ҳайитида қилинган дуо ва тилаклар қабул бўлсин! Ҳар бир оилага файзу барака ва тинчлик бўлсин!