Италия Бош вазири Қозоғистонга расмий ташриф билан келади

ASTANA. Kazinform — Президент Қасим-Жомарт Тоқаевнинг таклифига биноан Италия Бош вазири Жоржа Мелони 26-27 апрель кунлари расмий ташриф билан Қозоғистонда бўлади, деб хабар беради Ақорда матбуот хизмати.

«Музокаралар давомида томонлар Қозоғистон ва Италия ўртасидаги стратегик шерикликни ривожлантириш истиқболларини муҳокама қиладилар. 27 апрель куни Астана шаҳрида “Марказий Осиё – Италия” форматидаги биринчи саммит  бўлиб ўтади», - дейилади хабарда.

Аввалроқ Туркистонда Қозоғистон Президенти Қасим-Жомарт Тоқаев ва Туркманистон Халқ Маслаҳати Раиси Гурбангули Бердимуҳамедов ўртасида норасмий учрашув бўлиб ўтиши маълум қилинганди.