Исроил Ғазога гуманитар ёрдамнинг яна етказилишига рухсат берди

ASTANА. Кazinform – Исроил ҳукумати Ғазо секторига гуманитар ёрдам етказилишини қайта тиклашга рухсат беришини маълум қилди. Бу ҳақда DW хабар берди.

— Асосий озиқ-овқат захиралари Исроил армиясининг тавсиясига кўра очарчиликнинг олдини олиш учун етказиб берилади, — дейилади Исроил Бош вазири Биньямин Нетаньяху идораси томонидан тарқатилган баёнотда.

Исроил жорий йилнинг март ойи бошидан бери Ғазо секторига гуманитар ёрдамни тўсиб қўйган. Мамлакат расмийларига кўра, ҳудудни назорат қилаётган радикал ХАМАС гуруҳи ноқонуний равишда гуманитар ёрдам сотган ва қурол-яроғ етказиб беришни молиялаштириб келган.

Нетаньяху идораси гуманитар ёрдам мавжуд каналлар орқали етказишда давом этишини, бироқ кузатувнинг янги механизмлари ишлаб чиқилгунга қадар давом этишини айтди.

Шунингдек, Исроил томони ёрдам экстремистик гуруҳлар қўлига тушмаслигини таъминлашга ваъда берди.

БМТнинг Жаҳон озиқ-овқат дастури (WFP) ва World Central Kitchen гуманитар ёрдам етказиб бермоқда.

Эслатиб ўтамиз, аввалроқ Исроил мудофаа кучлари Ғазо секторида янги йирик ҳарбий операцияни бошлагани хабар қилинганди.