Исроил армияси фаластинликларни Мисрга боришни сўрамоқда
ВВC маълумотларига кўра, можаролар давомида 700 га яқин фаластинлик ҳалок бўлган, 4 мингга яқин киши яраланган. Шунингдек, 900 га яқин исроиллик қурбон бўлди, 3 мингга яқини яраланди. ХАМАС томонидан гаровга олинганлар орасида ўнлаб икки давлат фуқаролигига эга одамлар бор.
Ўз навбатида, Исроил ҳарбийлари Ғазо секторини тарк этган барча фаластинликларга Мисрга боришни маслаҳат берди.
“Биламан, Рафаҳ назорат пункти ҳамон очиқ. Кимда имконият бўлса, мен уларга чиқиб кетишни маслаҳат бераман”, – деди Исроил мудофаа кучлари (ЦАХАЛ) вакили Ричард Хехт брифингда.
Мисрнинг Ғазо сектори билан чегарасидаги ўтиш жойидан аҳоли кўпинча Исроилнинг ХАМАСга қарши амалиётлари вақтида фойдаланади.
Бир кечада Исроил Ғазо секторидаги ХАМАС ва бошқа жангари гуруҳларнинг 200 та нишонига ҳаводан зарбалар берди. Улар Ғазодаги 500 нишонга ҳужум қилди.
Эслатиб ўтамиз, Фаластиннинг ХАМАС гуруҳининг Исроилга шанба куни бошланган ҳужуми ва мамлакат уруш ҳолатига кириши фонида бир қатор давлатлар фуқароларни Исроилдан эвакуация қилишни ташкил этишга шошилмоқда.
Исроил армияси вакили душанба куни эрталаб Исроил барча аҳоли пунктларини назорат қилаётганини ва Исроил ичида ҳозирча жанглар йўқлигини айтди. Шу билан бирга, у Исроил ҳудудида ҳамон ХАМАС жангарилари борлигини тан олди.
Яқинда ХАМАС Тель-Авивдаги аэропортга ракета учиргани маълум бўлди. Шунингдек, Исроил мудофаа вазири Йоав Галлант Ғазо тўлиқ блокадага олинганини эълон қилди, у ерда на электр энергияси, на озиқ-овқат ва на ёқилғи йўқ.
Кеча Араб Лигаси 11 октабрь куни Ғазо секторидаги вазият бўйича фавқулодда йиғилиш ўтказиши маълум бўлди.
