Иордания Ғазодан 35 нафар бемор болани эвакуация қилди
ASTANА. Кazinform — Иордания қуролли кучлари чоршанба куни Иордания тиббий коридори ташаббуси доирасида Ғазо секторидан оғир касал бўлган еттинчи гуруҳ болаларни эвакуация қилди, дея хабар беради Xinhua.
Бу ҳақда мамлакат Қуролли кучлари хабар берди.
Бу сафар 35 нафар бола ва уларга ҳамроҳлик қилган 72 нафар оила аъзоси Иорданияга олиб кетилди. Улар даволаниш учун Подшоҳ Ҳусайн кўприги орқали Иордания касалхоналарига етказилган.
Эвакуация Иордания Соғлиқни сақлаш вазирлиги ва Жаҳон соғлиқни сақлаш ташкилоти билан ҳамкорликда қатъий тиббий ва хавфсизлик талабларига мувофиқ амалга оширилди.
Баёнотга кўра, бу март ойида бошланган ташаббус доирасида эвакуация қилинган энг катта гуруҳдир.
Шу кунгача жами 112 нафар фаластинлик бола ва уларнинг 241 нафар қариндоши Иорданияга олиб келинган.
Айтиш жоизки, жорий йилнинг февраль ойида Иордания подшоҳи Абдулла II Ғазо секторидан 2 минг нафаргача фаластинлик болаларни қабул қилиб, уларга тиббий ёрдам кўрсатишга тайёрлигини маълум қилган эди.
Эслатиб ўтамиз, аввалроқ Ғазо секторида ҳалок бўлган фаластинликлар сони 56 531 нафарга етгани ҳақида хабар берган эдик.
