Ҳиндистонда парранда гриппи туфайли 25 мингдан ортиқ қуш йўқ қилинади

NEW DELHI. Kazinform - Ҳиндистон ғарбидаги Махараштра штатида юқори патоген H5N1 парранда гриппи вируси авж олгани қайд этилди, деб хабар беради Kazinform NDTV телеканалига таяниб.

Яқин кунларда инфекция тарқалишини тўхтатиш учун Шаҳапур вилоятидаги фермада 25 мингдан ортиқ қушлар йўқ қилинади.

«Яқинда Шаҳапурдаги Веҳлоли қишлоғидаги паррандачилик фермасида 100 га яқин қуш нобуд бўлди. Намуналар экспертиза учун Пунадаги лабораторияга юборилди ва улар H5N1 парранда гриппидан ўлганлиги тасдиқланди», -дейилади телеканалда маҳаллий ҳокимият вакилларига таяниб.

«Келгуси икки кун ичида фермадан бир километр радиусда жойлашган паррандачилик фермаларида 25 мингга яқин парранда йўқ қилинади».

Бу Ҳиндистонда жорий йилда қуш гриппининг биринчи авж олиши эмас. Биҳар штатининг ҳукумати пайшанба куни Патна яқинидаги фермадаги 4000 га яқин қушдан 787 таси H5N1 вирусидан нобуд бўлганини, қолган барча қушлар сўйилганини маълум қилди.