Илон Маск Трампни Эпштейнга оид ҳужжатларни ошкор қилишга чақирди
NEW YORK. Kazinform – Америкалик тадбиркор Илон Маск АҚШ президенти Дональд Трампни миллиардер Жеффри Эпштейнга оид ҳужжатларни эълон қилишга чақирди. Эпштейн жинсий зўравонлик ва фоҳишахона тармоғини ташкил қилганликда айбланган ва қамоқда вафот этган, деб ёзади Anadolu агентлиги.
Трамп ўз баёнотида:
«Биз Эпштейн ҳақида жуда кўп гапиряпмиз, бундай бўлмаслиги керак», — деб ёзган эди.
Маск эса бу сўзларга ҳайрат билдириб:
«Сиз чиндан ҳам жиддий гапиряпсизми?» — деб жавоб қайтарди.
Аввалроқ Трамп Эпштейн исмини бир неча марта тилга олган, аммо кейинчалик бу мавзуни қайта-қайта кўтариш шарт эмаслигини айтган.
Илон Маск ўз жавобида:
«Шунчаки ваъдангизга мувофиқ ҳужжатларни ошкор этинг», — деб Трампни очиқликка чақирди.
Трампнинг таъкидлашича, Эпштейнга оид ҳужжатлар демократлар раҳбарлик қилган олдинги маъмуриятлар даврида тайёрланган. У бу мавзунинг ҳануз муҳокама марказида эканидан норозилик билдирди ва ҳужжатлар Барак Обама ва Жо Байден маъмуриятлари вақтида ёзилганини айтди.
“Нима учун биз бу ҳужжатларга шунча аҳамият берамиз? Уларни Россия билан боғлиқ ёлғон маълумотлар тарқатган одамлар ёзган-ку?” — деб ёзди Трамп Truth Social ижтимоий тармоғида.
