Илон Маск «Радио Свобода» ва «Голос Америки» радиоларини ёпишни таклиф қилди
ASTANА. Кazinform – Америкалик миллиардер Илон Маск ўзининг Х ижтимоий тармоғида АҚШ ҳукумати томонидан молиялаштириладиган «Радио Свобода» ва «Голос Америки» радиостанцияларини энди ҳеч ким тингламаслигини ёзди, деб хабар беради Кazinform.
Унинг айтишича, бу оммавий ахборот воситаларида "Америка солиқ тўловчиларининг йилига 1 миллиард доллар пулини истеъмол қилиб, ўзлари билан гаплашадиган радикал сўлчилар" ишлайди.
Yes, shut them down.
— Elon Musk (@elonmusk) February 9, 2025
1. Europe is free now (not counting stifling bureaucracy). Hello??
2. Nobody listens to them anymore.
3. It’s just radical left crazy people talking to themselves while torching $1B/year of US taxpayer money. https://t.co/PnmN4erD91
Илон Маск ўз постини АҚШ президентининг махсус операциялар бўйича махсус вакили, Миллий разведканинг собиқ директори Ричард Гренелнинг Х ижтимоий тармоғидаги постига жавобан жойлаштирди.
– «Свободная Европа» ва «Голос Америки» америкалик солиқ тўловчилар томонидан молиялаштириладиган оммавий ахборот воситаларидир. Булар — давлат оммавий ахборот воситалари. Бу оммавий ахборот воситалари ўта сўлчи фаоллар билан тўла. Мен бу мухбирлар билан ўнлаб йиллар давомида ишлаяпман. Бу — ўтмишда қолди, — деб ёзган Ричард Гренелл.
Эслатиб ўтамиз, аввалроқ Трамп Маскга Пентагон харажатларини текширишни буюргани ҳақида ёзган эдик.
