Ига Швентек кетма-кет учинчи йил Ролан Гаррос турнири чемпионига айланди
ASTANA. Кazinform — Дунёнинг биринчи ракеткаси, Польша вакили Ига Швентек кетма-кет учинчи йил Ролан Гаррос турнири чемпионига айланди.
Ига Швентек финалда италиялик Ясмин Паолинига ҳеч қандай имконият қолдирмади — 6:2, 6:1.
Бунгача Ига 2020, 2022, 2023 йилларда Франция очиқ чемпионатида муваффақият қозонган эди. 2021 йилда у чорак финалда грециялик Мария Саккарига ютқазган. Ўша йили чехиялик Барбора Крейчикова ғолиб бўлди.
Бу йил иккинчи даврада И.Швентекни дунёнинг собиқ 1-ракеткаси япониялик Наоми Осака деярли ютаёзди, лекин у имкониятидан фойдалана олмади.
Бу - И. Швентек учун бешинчи “Катта дубулға” мусбоқаларидаги чемпионлиги.
Ясмин Паолини эса спорт карьерасида биринчи марта катта муваффақиятларга эришди. Баъзи кучли теннисчиларни мағлуб этган Паолини чорак финалда қозоғистонлик Елена Рибакинани ютди.
Ушбу муваффақиятдан сўнг Ясмин жаҳон рейтингида кучли ўнталикка кирди.
Якшанба куни эркаклар ўртасидаги чемпионлик учун испаниялик Карлос Алькарас ва германиялик Александр Зверев баҳс олиб боради.
