Хитой яна бир қатор давлатлар учун визасиз режим жорий қилди

ASTANA. Kazinform – Хитой 1 июндан бошлаб яна бешта давлат фуқаролари учун бир томонлама визасиз режимни жорий қилди, деб хабар беради The Paper янгиликлар портали.

Хусусан, 2025 йил 1 июндан 2026 йил 31 майгача Бразилия, Аргентина, Чили, Перу ва Уругвайнинг оддий фуқаролик паспорти эгалари Хитойга визасиз киришлари мумкин бўлади.

Бешта давлат фуқаролари Хитойга бизнес, туризм, оилавий, айирбошлаш ва транзит мақсадида 30 кундан ортиқ бўлмаган муддатга визасиз ташриф буюришлари мумкин бўлади.

Бу Хитой биринчи марта Лотин Америкаси ва Кариб ҳавзаси давлатлари учун визасиз режим жорий қилмоқда. Шу тариқа Хитой бир томонлама визасиз режим жорий қилган давлатлар сони 43 тага етди.

Хитой Ташқи ишлар вазирлиги матбуот котиби Мао Нин 28 май куни бўлиб ўтган навбатдаги брифингда Саудия Арабистони, Уммон, Қувайт ва Баҳрайн фуқаролари учун 2025 йил 9 июндан 2026 йил 8 июнгача 30 кунлик бир томонлама визасиз режим жорий этилишини маълум қилди.

Қозоғистон ва Хитой 2023 йил 17 май куни ўзаро визасиз режим тўғрисидаги битимни имзолаган эди.

2024 йилда Хитойдан Қозоғистонга келган сайёҳлар сони 650 минг кишидан ошди, бу 2019 йилга нисбатан 9 баравар кўп.