Гвинеяда стадионда оммавий муштлашув юз берди ва ўнлаб одамлар ҳалок бўлди

ASTANA. Kazinform – Жануби-шарқдаги Нзерекор шаҳрида футбол ўйинида мухлислар ўртасида содир бўлган оммавий муштлашув оқибатида ўнлаб одамлар ҳалок бўлди, деб ёзади Report агентлиги AFPга таяниб.

Маълумотларга кўра, воқеага ҳакамнинг қизил карточка кўрсатиб, сўнг жамоалардан бирига пенальти белгилаган, шундан сўнг мухлислар баҳсли қарорлар сабаб муштлаша бошлаган.

Полиция уларни ажратиш учун кўздан ёш оқизувчи газ ишлатган. Ундан қочмоқчи бўлган мухлислар стадиондан қочишди, чиқиш жойларида эса тирбандлик юзага келди. Кўпчилик бўғилишдан ёки ташқарига чиқишга уринаётганда стадион деворидан йиқилиб ҳалок бўлган.

Қурбонларнинг аниқ сонини айтиш қийин, дейилади хабарда. Жасадларнинг шахсини тўлиқ аниқлаш бўйича ишлар олиб борилмоқда.

«У ерда 100 га яқин жасад бор. Баъзилари коридорларда ва полда ётибди. Ўликхона тўлиб кетган”, – деди шифокорлардан бири AFP агентлигига.