Грузия парламенти 49 депутатнинг ваколатларини мудддатидан олдин тўхтатди

ASTANА. Кazinform — Овоз бериш якунлари бўйича қарор қабул қилинди, деб хабар беради Кazinform мухбири.

Уч мухолифат бирлашмаси вакиллари 2024 йилнинг ноябрь ва декабрь ойларида депутатлик мандатини муддатидан олдин тугатиш тўғрисида петиция билан чиқишган. Улар орасида “Бирлашган миллий ҳаракат”, “Ўзгариш учун коалиция” ва “Кучли Грузия” бор.

Уларнинг даъво қилишича, ҳокимият сайловларни сохталаштиришган. Мухолифат 11-чақириқ парламентни ноқонуний деб эълон қилди, шунингдек, қонун чиқарувчи органда ишлашдан бош тортиб, янги сайловлар ўтказишни талаб қилди.

Марказий сайлов комиссиясининг якуний баённомасига кўра, 2024 йил 26 октябрдаги сайлов натижаларига кўра, “Кучли Грузия” — 14 мандат, “Ўзгаришлар учун коалиция” — 19 мандат, “Бирлашган миллий ҳаракат” 16 мандатга эга бўлди.

Жорж Гахария бошчилигидаги “Грузия учун” мухолифат партияси парламентда 12 ўринга эга. Бироқ, бошқа мухолиф партиялар сингари улар ҳам сайловларни ноқонуний деб ҳисоблаб, парламент фаолиятида иштирок этишдан бош тортишади. Бироқ, бошқа партиялардан фарқли ўлароқ, улар ўз истеъфоларини расман топширмаган.

Эслатиб ўтамиз, 26 октябрь куни Грузияда парламент сайловлари бўлиб ўтди. Ҳукмрон “Грузия орзуси – Демократик Грузия” партияси парламент сайловларида 56,1 фоиз овоз олди.

Шунингдек, Грузияда полиция парламент биноси яқинида намойишчиларни тарқатиб юборишгани ҳақида хабар берган эдик.